Maisha ya Kiroho I _Rogers Mathew

Maisha ya Kiroho - Ni mambo yote yanayoendelea katika ulimwengu usioonekana kwa macho.

Maisha ya Kiroho yapo rohoni,.. na ili uweze kuishi ni lazima ujue kanuni na taratibu zake. Kama kuna kanuni na taratibu basi pia kutakua na mamlaka na kama kuna mamlaka basi kutakua kuna nguvu inayotawala.

Lakini...

Maisha (Kiujumla)- Ni mambo yote anayohusiana
nayo mtu hai kutokea ndani yake kuja
nje; au kutokea nje kuja ndani yake. 

Ili kuwe na _maisha ya rohoni_ ni lazima *kuwe na uhai,* hivyo *katika roho kuna kuzaliwa kama katika mwili ilivyo pia.* 

*Yohana 1:13*
waliozaliwa, si kwa damu, wala si kwa mapenzi ya mwili, wala si kwa mapenzi ya mtu, *bali kwa Mungu.*
.
.
*Mungu ni Roho*, na ili tuweze kuishi nae inatupasa kuwa wa asili yake, yaani WA-ROHONI, ili tuweze kumuelewa, kumuona, kumsikia na *kufanyia kazi maagizo yake.* 

*Mwili una namna yake ya maisha, Lakini roho ina namna yake ya maisha.* 

*Mwili* _huishi kwa *muongozo wa hisia za nje* na *akili* inapambanua na kufanya maamuzi..._

Wakati 
*Roho* _huishi kwa *muongozo wa hisia za ndani* na *IMANI* hufanya maamuzi._ 

Hivyo basi _kuishi_ katika *mwili (AKILI)* na _kufanya_ mambo yanayohusu _maisha ya rohoni_ *sio kigezo cha kuwa unatambulika rohoni.* 

*Mtu wa mwilini hawezi kutambua maisha yaliyopo rohoni mpaka msaada wa nguvu kutoka huko rohoni, lakini mtu wa rohoni hutambua yote.*
.
.
*1 Wakorintho 2:14*
Basi mwanadamu wa _tabia ya asili_ *hayapokei mambo ya Roho wa Mungu;* maana kwake huyo ni upuzi, _wala hawezi kuyafahamu,_ kwa kuwa *yatambulikana kwa jinsi ya rohoni.* 

*1 Wakorintho 2:15*
*Lakini mtu wa rohoni huyatambua yote, wala yeye hatambuliwi na mtu.*
.
.
Kwakuwa kuna maisha katika roho, ili *mwanadamu hai* apate nafasi ya kuyaishi ni *lazima awezeshwe na nguvu kutoka huko katika roho.* 

*Yohana 1:10*
Alikuwako ulimwenguni, hata kwa yeye ulimwengu ulipata kuwako, *wala ulimwengu haukumtambua.* 

*Yohana 1:12*
_Bali wote waliompokea_ *aliwapa uwezo* wa kufanyika watoto wa *Mungu,* ndio wale waliaminio jina lake; 

*1 Wakorintho 2:10*
*Lakini Mungu ametufunulia sisi kwa Roho.* _Maana Roho huchunguza yote, hata mafumbo ya Mungu._ 

*1 Wakorintho 2:11*
Maana ni nani katika binadamu ayajuaye mambo ya binadamu ila roho ya binadamu iliyo ndani yake? *Vivyo hivyo na mambo ya Mungu hakuna ayafahamuye ila Roho wa Mungu.*
.
.
Hivyo *Mwanadamu hai* kamwe hawezi kumuelewa Mungu *(kwa kuwa Mungu ni Roho)* _{kama ataamua kumfuata kwa namna ya mwili (Akili)}._

Hivyo basi, Mungu akikupenda anakupa nafasi ya kufanana nae... yaani anakuzaa ili uingie katika ufalme wake na milki yake. 

*Yohana 3:2*
Huyo alimjia usiku, akamwambia, Rabi, twajua ya kuwa u mwalimu, _umetoka kwa Mungu;_ *kwa maana hakuna mtu awezaye kuzifanya ishara hizi uzifanyazo wewe, isipokuwa Mungu yu pamoja naye.* 

Nikodemo alikua sahihi sana lakini aliongea *FACT* tuu *(ukweli wa akilini)* na sio *TRUTH* *(Ukweli wa moyoni)* Alisema _"maana hakuna mtu awezaye kuzifanya ishara hizi uzifanyazo wewe... isipokua Mungu yu pamoja naye"._ 

Yesu akamwambia; 

*Yohana 3:3*
Yesu akajibu, akamwambia, Amin, amin, nakuambia, _Mtu asipozaliwa mara ya pili,_ *hawezi kuuona ufalme wa Mungu.*
.
.
*Huwezi kuona mambo ya ufalme wa Mungu kwa akili za mwilini.* _Huwezi kuona furaha ya kweli kwa mbinu za mwilini, huwezi kuona uponyaji wa kweli kwa namna ya akili, huwezi kuona mkono wa Mungu ukupao utajiri kwa kusoma sana maneno yasiyo na pumzi ya Mungu._ 

Ingia kwanza kwenye ufalme, ndio uishi kwa kadiri ya mazingira ya Kifalme. Ujue wanakula nini, wanavaa nini, wanasikiliza nini, nk. 

Kwa maana: 

*Yohana 3:6*
*Kilichozaliwa kwa mwili ni mwili; na kilichozaliwa kwa Roho ni roho.* 

*Yohana 3:12*
_Ikiwa nimewaambia mambo ya duniani, wala hamsadiki,_ *mtasadiki wapi niwaambiapo mambo ya mbinguni?* 

*Tutaweza kuelewa mambo ya ufalme si kwa kuwa na akili nyingi... bali kwa kuwa ndani ya ufalme, kumsikiliza mfalme na kumuamini.*

SOW

Maisha ya Kiroho I _Rogers Mathew